Libur-1

Saiki bocah-bocah padha prei
Sakwise rampung sekolah semester siji
Mestine atine padha ayem weruh gedhene biji
Sing sinau nyengkut nem sasi ora rugi
Pancen kuwi wigati
Mumpung isoh enom golek kepinteran kudu dipersudi
Aja mung nonton tivi
Nonton ya kena ning aja lali
Endi sing wajib lan endi sing kudu didhohi
Mula bocah-bocah padha ngerti
Wiwit jaman kuna makuna biyen uni
Wong keset bakale rugi
Senenge saiki ora cucuk karo gelane mburi
Yen wis gela ora bisa bali
Mula gatekna ngendikane pak guru iki
Sinau kudu sing taberi
Bangun miturut marang bapak lan ibu kuwi mesti
Ngibadah maran sing gawe urip kudu nomer siji
Yen mengkono ora bakal gentun mburi
Wis semene disik welingku iki
Muga prei iki bisa ngudari bunele ati
Atine seger arum kaya kembang melati
Suk yen mlebu semangati sinau luwih saka semester wingi
Yen kowe mulya, sapa sing bathi
Pak guru ora ngapusi

Aku Lali

Lha dalah ana blog liya maneh sing tak nduweni
Iki ya rada suwe ora tak tiliki
Lha kok kabeh kahanane madani
Genah yen ora diopeni
Apa pancen lali
Jane karepe ora padha ati
Wektu kadang kala sok ndadekake lali
Endi sing penting kudu ndisiki
Kamangka kabeh wigati
Lha rak alesane sing muni
Padune nutupi yen lali
Ya wis ... aku ngakoni