SDKU
Sdku sd negeri 01 tohudan
Panggonane cetha amarga ana pinggir ratan
Ratan kuwi basa liyane dalan
Sdku klebu sd sing kawakan
Tegese kawakan amarga umure wis tuwa tenan
Apa karepe wis tuwa tenan
Amarga sd iki wis ana dhek nalikan jaman penjajahan
Lho berarti ya wis tenan
Pancen kasunyatan
Muridke akeh ora nakal tur sopan-sopan
Yen ketemu bapak utawa ibu guru pada salaman
Malah ana sing nganggo ngambung tangan
Jan aku bangga tenan
Dadi murid lulusan sd negeri 01 tohudan
Lha aku terus piye yen pingin mbales kabecikan
Oh ngene wae ... aku arep sekolah sing tenanan
Ben arum jenenge kabeh lulusan
Bijine UASBN paling cilik angkane pitunan
Wah .... pancen biji sing lumayan
Apa bisa ya aku entuk biji pol tenan
Biji pol tenan kuwi sepuluhan
Ya wis sing perlu aku arep sinau tenan
Supaya yen aku lulus ki ya lulus tenan
Lulus tenan ki lulus sing bijine ora papasan
Marga saiki pancen ora ana biji katrolan
Kabeh resik dijupuk sakan piye mau sing nulis garapan
Geguritane dawane wis lumayan
Liya dina disambung sing luwih tenanan
SINAU
Kewajibane dadi murid iku
Kudu sregep maca nulis lan sinau
Ora kena jelehan lan ora gampang nesu
Apa ta sing digoleki bocah sekolah iku
Ora liya yaiku ngelmu
Apa tegese ngelmu
Ngelmu tegese angele yen durung ketemu
Lha terus piye carane ketemu
Ya kudu sregep sinau
Mirengka dawuhe bapak lan ibu guru
karo wong tuwa kudu nggugu
Yen pelajaran ora mung omong karo ngguya ngguyu
Yen durung wancine mulih ya aja mbolos utawa mlayu
Yen teka aja pinjul jam pitu
Marga jam pitu kaebh kanca wis pada mlebu
Yen bisa tekan sekolahan jam setengah pitu
Bisa omongan pr lan pelajaran sing perlu-perlu
Saya yen wingine bar ora mlebu
Kudu enggal takon kanca utawa nyuwun pirsa bapak ibu guru
Aja njur mung mecucu
Mengko dikira kowe lara untu
Wis pokok aja lali pesenku
Cah sekolah kewajibane sinau
Nonton tv ki ora kudu
Yen kowe kokehan malah dai bodho terus sirahmu ngelu
Nonton sing cocok umurmu
Lan dipilih tontonan sing perlu
Yen kowe gelem manut lan mituhu
Sing bakal beja lan kebeneran ya awakmu
Dudu aku
Dudu bapak utawa ibu guru
Dudu kancamu
Pisan maneh dudu
Ning sing bakan ngundhun ya mung awakmu
Mula wiwit saiki ayo janjia ning atimu
Yen kowe bakal sregep sinau
Supaya seneng bapak lan ibumu
Weruh kowe sekolah tenanan lan bermutu
Aku saka adoh mung bisane mbantu
Dongakne kowe kabeh saka omahku
Kanti ati iklas sing tukul saka atiku
Lulusan sd negeri 01 tohudan dadi wong sing bermutu
Saka aku .....
BEL MUNI
Teng ... teng ... bel sekolahan wis muni
Tegese pelajaran arep diwiwiti
Apa potlte wis diongoti
Apa bukune sing dibutuhke ora lali
Ayo pada siaga ing diri
Mirengke ngendikane bapak utawa ibu guru sing setiti
Ora gojek karo kanca mburi
Tangane ora jahil ora njiwiti
Ditulis isine pelajaran sing wigati
Disinau meneh ana ngomah supaya ora lali
Yen mengkono sapa sing bathi
Ya bocah-bocah sing sregep kuwi
Ayo ... ayo pelajaran wis dimulai
NGASO
Teng .... teng wancine wis wayah istirahat utawa ngaso
Sing sangu teus metu tuku bakso
Glindingane loro
Ana godonge rupane ijo
Pancen seneng yen wayah ngaso
Sakwise mau pelajaran ngarap lan nulis conto
Mau pas pelajaran ana sing ngantuk lan mlongo
Terus kaget lambene kelebon coro
Gek na corone kuwi cacahe loro
Mula aja seneng mlongo
Diwulang kuwi aja mung mlongo
Yen ngono terus kowe mengko dadi bodho
Yen bodho mung longa-longa
Plentas-plenthus mung kaya kebo
Ora ngerti angka loro
Teng .... teng .... entuk wktune ngaso
MANGKAT SEKOLAH ESUK
Mangkat sekolah wayah esuk
Hawane seger ora sumuk
Ning ana sing teka sekolahan isih ngantuk
Lungguh dewe karo setengah ngantuk
Coba tawanana gethuk
Ben ilang rasane ngantuk
Cepet wenehana selat ambruk
Lha dalah bocahe sing ngantuk kebcaut ambruk
Dewkene tiba mejane nothok bathuk
Lha saiki wis sehat ora ngantuk
Mula yen bengi ora kokehan nonton tv sing isine umuk
Mengko tangimu ngepluk
Lha saiki sing arep tak jaluk
Olah ragaa kuwi pendha esuk
Ben ora gampang ngantuk
Ya sehat ora gampang watuk
DOLAN
Mulih sekolah ora papa yen pingin dolan
Ning mulih disik tekan ngomah terus pamitan
Aja langsung saka sekolahan
Kudu mulih disik, pamitan lan dolan
Dolane aja sak paran-paran
Bisa ngajak kanca sing seneng bal-balan
Bebarengan menyang lapangan
Yen nduwe ya kena ngawa layangan
Angine wektu iku gedhe tenan
Gampang yen kanggo nguluke layangan
Ning ora susah sangkutan
Mengko malah pedhot layangane ilang tenan
Aja senang playon ana ratan
Marga ngoyak pedhotan layangan
Kuwi bahaya tenan
Dalane ki saiki rame okeh kendaraan
Yen ora ngati-ati bisa tabrakan
Yen tabrakan kowe kelaran
Ngoyak layangan sing regana mung sewunan
Kuwi ora cucuk tenan
Yen nganti tabrakan larane tenanan
Yen digawa nyang rumah sakit bayare bisa jutaan
Ora cucuk karo regane layangan
Mula dieling-eling tenan
Apa aja seneng ngoyak layangan pedhot ana ratan
Apa tujuane wong dolan
Supaya ati seneng lan susahe ilang
Carane dolan bisa sembarangan
Sing penitng aja sing bahaya sing marake bisa kapitunan
Bisa nyang nggone kanca sinau bebarengan
Utawa ana ngisor uiwy omahe kanca lotisan
Bisa uga nekeran
Utawa pit-pitan
Mula gugunan tenan
Supaya ana gunan sing padha dolan
Rabu, 14 Juli 2010
Selasa, 13 Juli 2010
Perkenalan
Anda saat ini berada di Blog SD Negeri 01 Tohudan, yang beramalat Di Dusun Tohudan Kulon RT 04 - RW III Desa Tohudan Kecamatan Colomadu Kabupaten Karanganyar. Bagi yang belum kenal silahkan berkenalan, dengan cara memberikan komentar tentang blog ini. Untuk yang sudah kenal, mungkin karena alumni, atau orang tua wali murid yang saat ini masih aktif duduk di bangku sekolah yang tercinta ini, sumbangan pikirannya tentu saja sangat dinantikan. Dari ruang komputer SD Negeri 01 Tohudan blog ini dipancarkan untuk bergabung dengan blog-blog lain .Semoga bermanfaat. Amien.
Langganan:
Postingan (Atom)